ViuTV选美节目《美丽40路》由孙慧雪、陈俞希、刘明轩及黄心美主持，参赛者係一班35+嘅女性，除咗素人，亦有KOL、演员、歌手等等，15强已闪耀诞生，而总决赛将于9月29日播出。除咗参赛者成为亮点，基于节目係黄心美回巢后首个工作，网民对此大感期待；不过，黄心美表现似乎未如过往理想，被网民于社交平台发文狠批，甚至指另外三位主持表现更佳。

黄心美曾于Now TV及ViuTV担任主持，更有「ViuTV一姐」之称。2017年，黄心美被验出甲状腺指数高企，需要戒口及定期检查，医生甚至劝佢转行减少压力。不过，黄心美于2018年11月选择离巢ViuTV，以自由身艺人身份工作。黄心美坦承离开ViuTV后曾有长达8个月无工作嘅冰河期，之后先开始返主持工作，包括为HOY TV《男士堂》担任主持及以特别嘉宾身份拍摄J2台《超级毛特儿大赛》。黄心美是次回巢ViuTV主持《美丽40路》被网民于社交平台出PO指表现大不如前，更狠批佢唔啱ViuTV而家个后生创新感觉：「睇Viu个美丽40路，觉得黄心美真係好唔夹依家Viu个vibe～佢果副一脸正经讲野无表情同埋无尾音好odd… 虽然佢係曾经係开台时嘅一姐…但走咗咁耐，个台都已定性为后生创新嘅台～佢用呢种一脸正经嘅tone真係好唔岩做Viu嘅综艺～」唔少网民都表示同意：「好似冇乜精神」、「佢好似想扮大家姐咁」、「佢苦口苦面」、「记者会佢摆明想抢返一姐，现一姐讲野，佢下下串人，同埋好无礼貌」、「个feel好寸」、「同感！有一集佢突然有啲恶咁对参赛者，明明啲参赛者同其他主持都好chill，唔知做乜咁劳气又成日黑口黑面」、「佢一开口，就令气氛好凝重，沉重」等等。

网民反而对孙慧雪、陈俞希、刘明轩呢三位主持表现感惊喜，认为佢哋比黄心美主持得更好：「池中无鱼，Vivian响有线经验比佢多，人又靓，佢真係节省少少」、「其余果3个好轻鬆活泼，主持得好好」、「估唔到刘明轩年纪最大反而同后生过佢嘅主持夹得几好」、「反而雪雪比想像中好」等等，网民仲话觉得刘明轩讲嘢恰到好处，声音个tone都好舒服，而孙慧雪就对参赛者几好，有一齐参加既感觉。

按此下载全新Yahoo APP，睇尽最新娱乐新闻、乐坛消息、名人热话、热门电影、Netflix剧评，新人更可换领限量新人礼，立即下载！