现年31岁嘅前TVB小花伍乐怡（Kelly），喺2017年参选港姐时大热倒灶三甲不入，但佢加入TVB后机会不绝，获得唔少演出机会，例如凭《青春不要脸》中饰演「妍妹」姜之妍，神还原小龙女，获网民大讚有仙气，人气急升。正值上位阶段嘅Kelly，偏偏喺呢个时候选择离巢及消失幕前，并返回加拿大发展。日前佢喺小红书拍片分享生活日常，并自爆「烂面」，虽然佢嘅皮肤状态麻麻哋，面珠墩生暗疮，不过依然都係咁靓女。

伍乐怡不时拍片上载到社交网站，日前佢上载影片到小红书与网民分享生活日常，影片中嘅佢朝早起身食早餐及工作后，并前往做美容，期间佢只係用浴巾包住自己。之后有网民留言：「很繁忙的一天，事业型的香港小姐 早饭的吃太少了吧」，而佢就亲自回覆话：「没时间做运动只好食物管理」。

伍乐怡原来家庭背景唔简单！加拿大出世嘅Kelly，爸爸同哥哥喺内地从事女性内衣营销生意，产品唔止喺内地销售，更远销至世界各地。佢喺大学毕业后由加拿大回流返香港，2017年参选港姐，外貌及身材都非常出众，被视为大热人选，可惜五强止步，落败嘅Kelly被选为「民选冠军」。佢喺入行后机会不绝，当中凭《3日2夜》被网民捧为「仙气女神」。除咗综艺节目之外，佢喺拍剧方面嘅戏份亦越嚟越多，例如《廉政行动2019》、《星空下的仁医》、《金宵大厦2》及《青春不要脸》等等，佢喺《青春不要脸》中饰演姜之妍，网民睇过佢演出后都纷纷大讚佢有仙气及演技到位，绝对上位在望！不过佢喺上年6月无预警宣布退出幕前，专注经营自家品牌及担任职场顾问，更不时亲身上阵着自家品牌泳衣做生招牌。

早前，Kelly亦曾发文剖白心境，表示三年前妈妈过身经历生离死别及家庭破碎，所幸自己走出来后变得更坚强：「三年前的我 经历了生离死别 面对破碎的家庭我从痛苦里 一边恢复一边奋斗 30岁后的我生活中也存在着各种彷徨和压力 只是你的人生得你自己负责 时间不会跟你承担伤痛 所以问自己 你认为怎样活 才对得起自己的人生」。

按此下载全新Yahoo APP，睇尽最新娱乐新闻、乐坛消息、名人热话、热门电影、Netflix剧评，新人更可换领限量新人礼，立即下载！